22/01/2008 17:10 by Safdar Hamadani (Viewed: 641 times)
غزل
ہوگئی رخصت گلوں سے تازگی لوگوں کے ساتھ
دفن ہو کر رہ گیا ہے آدمی لوگوں کے ساتھ
۔۔۔۔
جس طرح صدیوں سے ہوں اک دوسرے سے آشنا
یوں شناسائی ہوئی ہے اجنبی لوگوں کے ساتھ
۔۔۔۔
اس برس شاید ہو پورا اُس سے مل جانے کا شوق
اب کے شاید راس آئے دوستی لوگوں کے ساتھ
۔۔۔۔
اور تو کوئی نہیں شامل ہوا کے کھیل میں
لوگ ہی کرتے ہیں آخر دل لگی لوگوں کے ساتھ
۔۔۔۔
آنکھ جو کھولی تو اپنی دید سے محروم تھے
خواب میں دیکھی تھی ہم نے روشنی لوگوں کے ساتھ
۔۔۔۔
اک نہ اک دن خود بخود آ جائے گا اُن کو خیال
اس قدر اچھی نہیں ہے برہمی لوگوں کے ساتھ
۔۔۔۔
کم ہوئی ہے گر چہ صفدر خواہشِ گفت و شنید
بڑھ گئی ہے اور کچھ آوارگی لوگوں کے ساتھ
29 فروری 2008
‘‘..........................
اُس سے کہنے کا جی چاہتا ہے‘‘
خواب جزیرہ آنکھیں اُس کی
سانسیں مہک گلاب
شام کا گہرا سایہ اوڑھے اُس کے نین شباب
لہجہ اُسکا ندی کے پانی کی طرح صاف
موتی جیسے دانتوں پر ہیں
دونوں ہونٹ غلاف
گہری گہری سوچ میں ڈوبی
پلکیں تیغ کی دھار
ہر اک انگلی کی پوروں پر تازہ نقش نگار
ہنسنا اُس کا ساون کی بارش کی جوں آواز
جان نہ پایا میں بھی اب تک
اُس کے پیار کا راز
22 فروری 2008
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رستوں کو بدلنا مجھے اچھا نہیں لگتا
یوں روز بچھڑنا مجھے اچھا نہیں لگتا
۔۔۔۔۔۔
تم ساتھ تو رہتی ہو مگر ساتھ نہیں ہو
اس سوچ میں جلنا مجھے اچھا نہیں لگتا
۔۔۔۔۔۔۔
سلجھانے کی کوشش کرؤ اے جانِ تمنا
اب تم سے الجھنا مجھے اچھا نہیں لگتا
۔۔۔۔۔
آنگن میں رہو دل کے مرے شام کی صورت
ہر شام کا ڈھلنا مجھے اچھا نہیں لگتا
۔۔۔۔۔۔۔
تنہائی کے جنگل میں مجھے چھوڑ نہ دے وہ
اس غم میں پگھلنا مجھے اچھا نہیں لگتا
۔۔۔۔
جی چاہتا ہے اب تری بانہوں میں رہوں میں
گر گر کے سنبھلنا مجھے اچھا نہیں لگتا
۔۔۔۔۔۔۔
صفدر مجھے اُس شخص سے کہنا ہے فقط یہ
وعدے سے مُکرنا مجھے اچھا نہیں لگتا
16فروری 2008
۔۔۔۔۔۔۔۔
چار تازہ غزلیں
بن کے خوشبو جو بکھرو تو پھر بات ہے
تم مری بات سمجھو تو پھر بات ہے
ساحلوں پر کھڑے مسکرانا بجا
گر سمندر سے گزرو تو پھر بات ہے
اس طرح چھپ کے آواز ہم کو نہ دو
سامنے آ کے بولو تو پھر بات ہے
آئینے سے ملے گا نگاہوں کا عکس
میری نظروں سے دیکھو تو پھر بات ہے
سب میں بیٹھے ہوئے سوچنا کیا لگا
ہاں اکیلے میں سوچو تو پھر بات ہے
خالی حرفوں سے جذبے تراشو نہیں
کوئی ایک بات لکھو تو پھر بات ہے
پانیوں پر برسنے سے کیا فائدہ
دل کے صحرا میں برسو تو پھر بات ہے
بے ہنر ہاتھ صفدر بڑی شے نہیں
بے اثر حرف چومو تو پھر بات ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس کے بغیر رات بسر کیسے کیجئے
اس ایک مرحلے کو بھی سر کیسے کیجئے
آسیب بس چکا ہے اب اس شہر سنگ میں
بے سمت راستوں پہ سفر کیسے کیجئے
پچھلے کئی دنوں سے ہوں بس ایک فکر میں
اینٹوں کے اس مکان کو گھر کیسے کیجئے
اُلجھے ہوئے ہیں سارے فقیہ اس خیال میں
دیوارِ شہرِ گریہ میں در کیسے کیجئے
معلوم ہو انہیں بھی کڑی دھوپ کا مزاج
ان رتجگوں کی اُن کو خبر کیسے کیجئے
ممکن نہیں کہ ٹوٹا ہوا آئینہ جُڑے
کاٹا ہوا درخت شجر کیسے کیجئے
صفدر جو بات نکلے زباں سے اثر کرے
پیدا اب اس زباں میں اثر کیسے کیجئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواب جزیرے سوچو کیوں
گونگے لفظ کو لکھو کیوں
گھر جب دل کے اندر ہو
گھر سے باہر نکلو کیوں
جو منظر ہوں خوابیدہ !
جاگتی آنکھ سے دیکھو کیوں
جس نے لوٹ نہ آنا ہو
ایسے شخص کو روکو کیوں
جس کی قسمت ریت کی پیاس
ایسے تھل پہ برسو کیوں
جس در میں دیوار نہ ہو
ایسے در کو کھولو کیوں
جس دریا میں موج نہیں
اُس دریا میں اترو کیوں
صفدر پیار کی خواہش میں
اپنے اندر بکھرو کیوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آنکھ میں اشک جب بھی آیا ہے
میں نے چہرہ ترا ہی دیکھا ہے
یوں کنکھیوں سے دیکھنے والے
تو نے ہنسنا کہاں سے سیکھا ہے
مجھکو جب بھی ملی ہے تنہائی
میں نے اکثر تمہیں کو سوچا ہے
کاٹ کر کھال بوڑھے برگد کی
یہ ترا نام کس نے لکھا ہے
کوئی چہرہ نظر نہیں آتا
تو مری آنکھ میں جو بیٹھا ہے
تم کو پانے کےبعد بھی اکثر
ایک دھڑکا سا دل کو رہتا ہے
پھر بھی لگتا ہے عمر بیت گئی
تو مجھے روز گر چہ ملتا ہے
جس طرح ماں کی گود میں بچہ
درد سینے میں ایسے پلتا ہے
تو بھی صفدر کا عکس ہے شاید
تو بھی صفدر کا عکس لگتا ہے
فروری 2008
.....................
تُم وہی ہو!
تم وہی ہو
جس کی آنکھوں میں مجھے
اپنی آنکھوں کی چمکتی روشنی آئی نظر
جس کی باتوں میں مجھے
اپنی باتوں کا سا لہجہ لگ رہا تھا سر تاسر
تم وہی ہو
جس کے سارے جسم میں
میرے اپنے جسم کی خوشبو مقید تھی نہ جانے کتنی صدیوں بعد بھی
اور
اب بھی قید ہے.
2فروری2008
.................................
تنہا رات،چاند اور میں
کس کو معلوم ہے
کتنی راتیں ابھی اور جاگنا ہے ہمیں
تتلیوں کے لیئے
دور کب تک یونہی بھاگنا ہے ہمیں
ان ہواؤں نے اذنِ جدائی سنائی ہے پھر چیخ کر
دل کے ا س سرد خانے میں پھر ایک بار
میرے ہاتھوں کی حدت اتارو
تم کو لمبے سفر پر ہے جانامگر
یہ سفر آج کی رات سے زیادہ لمبا نہیں
تیرے ہاتھوں کی خوشبو میرے پاس ہے
میں پلٹ کر جو آیا امانت تری
تجھ کو لوٹاؤں گا!
2فروری2008
............................................
اپنے گھر کے صحن میں آباد کر لینا مجھے
بھولنا مت مجھ کو جاناں یاد کر لینا مجھے
۔۔۔۔
اک تکلف ہے اُسے بھی درمیاں رکھتی ہو کیوں
تم جو ہو تصویر تو بہزاد کر لینا مجھے
۔۔۔۔
آہٹوں اور فاصلوں کے درمیاں ہے زندگی
جب ملے فرصت کبھی ہم زاد کر لینا مجھے
۔۔۔۔
جب کبھی سمجھو کہ دَم گھُٹتا ہے میری قید میں
کھول کر پنجرے کا در آزاد کر لینا مجھے
۔۔۔۔
زندگی کا ایک یہ انداز بھی ہے تجربہ
تیشہء الفاظ سے فرہاد کر لینا مجھے
۔۔۔۔
میں اگر جلدی فنا ہو جاؤں تو رونا نہیں
نام کوئی دے کے پھر ایجاد کر لینا مجھے
۔۔۔۔
کوئی بھی مشکل اگر صفدر ہو راہِ زیست میں
اپنے ہونٹوں پر فقط فریاد کر لینا مجھے
31جنوری 2008
.....................................................
کب پھول کلی سے پھول بنا یہ پتا تو ہے پر یاد نہیں
کب اس سے معاملہ دل کا ہوا یہ پتا تو ہے پر یاد نہیں
۔۔۔۔
یہ فرقت قُربت جیسی ہے اس فرقت کو احسان سمجھ
تم ہی نے مجھے یہ راز کہا یہ پتا تو ہے پر یاد نہیں
۔۔۔۔
تیرا ہنسنا ایک قیامت ہے کل چلتی ہوا نے مجھ سے کہا
دروازہء دل کب تیرا کھُلا یہ پتا تو ہے پر یاد نہیں
۔۔۔۔
پھر چپکا ہے کل شام سے وہ پھر اس نے مرے لب چھوئے نہیں
پھر شاید مجھ سے ہے وہ خفا یہ پتا تو ہے پر یاد نہیں
۔۔۔۔
تم وصل کے پھول کھلاؤ تو ، خود آنگن بیلا مہکے گا
کب کشف یہ تم پر کھولا تھا یہ پتا تو ہے پر یاد نہیں
۔۔۔۔
اک بار بدن میں اُترو تو پھر چاہے پلٹ کر مت آنا
تری روح میں اُترنے کا رستہ یہ پتا تو ہے پر یاد نہیں
۔۔۔۔
صفدر میں دل کے دریا کے ساحل پہ بیٹھا سوچتا ہوں
کب پہلی بار تو مجھ کو ملا یہ پتا تو ہے پر یاد نہیں
24 جنوری 2008
..............................................................
کچھ یوں بھی سنو شوقِ ندامت نہیں مجھکو
قاتل سے بھی اپنے تو عداوت نہیں مجھکو
۔۔۔۔
تم بھی تو ہو خود اپنے ہی حالات میں محصور
تم سے بھی مری جان شکایت نہیں مجھکو
۔۔۔۔
یہ سچ ہے کہ کہنے کو ہوں ناکام بظاہر
جھوٹے سے بھی دل رکھنے کی عادت نہیں مجھکو
۔۔۔۔
پہلے تو مجھے قُرب کی لذت نہیں بخشی
اب اُس سے بچھڑنے کی اجازت نہیں مجھکو
۔۔۔۔
بس ایک منافق سے مجھے ہوتی ہے نفرت
ورنہ تو کسی شخص سے نفرت نہیں مجھکو
۔۔۔۔
اس لفظِ محبت نے کیا مجھ کو وہ رسوا
تم نے بھی کہا تم سے محبت نہیں مجھکو
۔۔۔۔
تم نے بھی مجھے خواہشِ گمنام ہی سمجھا
تمہارے رویے پہ بھی حیرت نہیں مجھکو
۔۔۔۔
تیار ہوں میں اگلے سفر کے لیئے صفدر
سچ پوچھو کسی چیز کی حسرت نہیں مجھکو
چند تازہ غزلیں اور نظمیں
http://vorfreude.net/recreation/living_history/boy.php boy
http://vorfreude.net/recreation/living_history/cowboy-clothing-in-canton-ohio.php cowboy clothing in canton ohio
http://vorfreude.net/recreation/living_history/elizabeth-i-dress.php elizabeth i dress
http://vorfreude.net/recreation/living_history/long-sleeve.php long sleeve
http://vorfreude.net/recreation/living_history/long-bras.php long bras
http://vorfreude.net/recreation/living_history/pes.php pes
http://vorfreude.net/recreation/living_history/double-cuff-shirt.php double cuff shirt
http://vorfreude.net/recreation/living_history/four-star-hotels-annapolis-md.php four star hotels annapolis md
http://vorfreude.net/recreation/living_history/portable-camp-kitchen.php portable camp kitchen
http://vorfreude.net/recreation/living_history/feast.php feast
http://vorfreude.net/recreation/living_history/buttonhole.php buttonhole
http://vorfreude.net/recreation/living_history/shearling-duster.php shearling duster
http://vorfreude.net/recreation/living_history/crafty.php crafty
http://vorfreude.net/recreation/living_history/madeline-gardner.php madeline gardner
http://vorfreude.net/recreation/living_history/viking-small-appliances.php viking small appliances
http://vorfreude.net/recreation/living_history/dressing.php dressing
http://vorfreude.net/recreation/living_history/4150.php 4150
http://vorfreude.net/recreation/living_history/backless-silicone-bra-uk.php backless silicone bra uk
http://vorfreude.net/recreation/living_history/cleaning-creme.php cleaning creme
http://vorfreude.net/recreation/living_history/long-night-gown.php long night gown